[A:122b]te grub mtha'i gnad shes pas / thams cad thub par shes te / de'i tshe mkhas pa yod na rtsod par byed do zhes dril bsgrags pas phal cher yul gzhan du bros / rtsod pa byas pa rnams chos kyis tshar bcad de / chos kyi lam la bkod nas / gal te chos kyi grags pa yi / /
smra ba'i nyi ma nub pa na / /
chos rnams gnyid log yang na shi / /
chos ma yin rnams da gdod longs / /
zhes ched du brjod pa mdzad do / /
bstod pa byed pa dag gyis kyang / /
mu stegs rigs la sgra tshad mkhas / /
rgol ba tshar gcod mkha' la gshegs / /
dharma k'irti zhes bya ba'i / /
bla ma de la phyag 'tshal lo / /
zhes bstod do / /
de nas slob dpon rim gyis grong khyer dang ljongs rgyu zhing / mthar rgyal po me tog rgyas pa'i sgo drung du sleb ste rgyal pos da lta su mkhas dris pas / shes rab can ni phyogs kyi glang po ste / /
tsandra go mi brjod pa rnam par dag /
snyan ngag dpa' bo las byung sdeb sbyor mkhas / /
me tog kun tu [C:162]rgyas pa longs spyod ldan / /
phyogs las rnam par rgyal ba nga min su / /
zhes gsungs pas / rgyal po na re / dharm'a k'irti yin nam / de skad du'ang grags so / /
gsung pa dang / rgyal pos gdan drangs te sbyin bdag mdzad nas / rab tu byed pa sde bdun brtsams te / mjug tu rnam 'grel gyi le'u dang po'i rang 'grel mdzad do / /
bstan bcos [B:110b]rnams mkhas pa'i gra sar 'grims pas phal cher gyis ma shes so / /
la las shes kyang phrag dog byas nas nyos so / /
zhes bsgrags te khyi mjug la btags pas / slob dpon nare / khyi grong dang srang kun tu rgyu ba bzhin bstan bcos kyang dar bar 'gyur ro / /
zhes gsungs shing / rnam 'grel gyi mgor / skye bo phal