[A:123a]cher phal la chags shing shes rab rtsal med pas na legs bshad rnams / /
don du mi gnyer kho nar ma zad phrag dog dri ma dag gis sdang bar yang / /
longs gyur des na bdag la 'di ni gzhan la phan pa yin zhes bsam pa'ang med / /
sems ni yun rings legs bshad goms pas lhur len bskyed phyir 'di la dga' ba skyes / zhes pa bcug go zhes grag go /
de nas paNDi ta lha dbang blo la 'grel pa rtsom par bskos pas lan cig brtsams te gzigs pa phul bas chus bkrus / yang brtsams pas mes bsregs pas / phyis brtsams nas / phal cher skal ba med nyid dang / /
dus la'ang sdod pa med pa'i phyir / /
goms pa'i phyir ni mdor bsdus nas / /
dka' 'grel 'di ni 'dir byas so / /
zhes pa phul bas / 'phros dang tshig gi zur gyis mtshon pa'i don rnams ma byung bar 'dug ste / tshig gis dngos su bstan pa'i don byung 'dug gsung / 'on kyang nga'i rigs pa 'di gzhan gyis ma nor ba mi shes par 'dug dgongs te / rnam 'grel gyi mjug tu / rgya mtsho la ni chu bo bzhin du rang gi lus la thim zhing nub pa nyid du 'gyur / zhes pa bcug ces grag go /
de yi slob ma sh'akya blo yin la / des 'grel bshad byas / de'i slob ma 'od kyi blo yin zer ro / /
kha cig dza m'a ri chos grags kyi dngos slob yin / /
rgyan gyis spur la lung blangs / de'i slob ma dul lha / de'i slob ma chos mchog zer to / chos mchog ni chos 'byung byin dang dge srung gi slob ma yin par T'ikka las bshad do / /
dza m'a ris rgyan la 'grel bshad [B:111a]byas / dul lha dang bde byed dga'