[A:125a]mchod pa byas te / bstan bcos rtsom pa'i sbyin bdag btsal pa'i phyir / shar nas nub tu byon pa na / rgyal po sa skyong gis yum 'chod pa la / slob dpon seng ge bzang po mkhas par thos nas / gdan 'dren du btang pa'i pho nya dang prad nas gdan drangs te / 'phags pa'i 'grel pa dang mthun pa nyi khri'i bsdus den le brgyad ma dang brgyad stong 'grel chen dang / don gsal 'grel pa dang / sdud 'grel rtogs par sla ba dang / shes phyin sgom pa la sogs pa mdzad do / /
zhes grag go /
brgyad stong 'grel chen du dpal ldan chos skyong gis sbyin bdag byas nas / tri ka tu ka zhes pa tsha ba [C:165]gsum gyi gtsug lag khang du byas par bshad do / /
[B:112b]slob dpon shes rab 'byung gnas blo gros kyis / slob dpon seng ge bzang po skyes bu'i don la mngon du phyogs te / shes rab kyi pha rol tu phyin pa ston pa na / po ti du ma dag na 'dod pa du ma dang / 'chad pa po rnams kyis / bshad pa yang phan tshun 'gal ba mthong bas skyo ba skyes te / mtha' gcig tu gnas pa na / thugs rje chen po dang ldan pa'i bcom ldan 'das byams pas de'i skyo ba bsal ba'i phyir mngon par rtogs pa dang bcas pa'i bcom ldan 'das ma yang bshad do / /
zhes zer ba rjes su thob pa yin no / /
zhes bshad do / /
slob dpon chos kyi bshes gnyen ni lo bcu bdun du dge ba'i bshes gnyen mnyes par byas pas / rmi lam du byams pas rjes su bzung zhes 'chad kyang / slob dpon nyid kyi mkhas pa'i 'grel pa bzhi las rnyed cing / khyad par 'phags pa gnyis kyi 'grel pa la