[A:125b]brten par bshad de / 'grel chen du / 'di ni 'phags pa thogs med la sogs pa rnams kyis bshad pa bris pa yin pa'i phyir tshad mar bya'o shes pa dang / 'phags pa rnam par grol sde yi / /
mthu yis don mthong sgo nas ni / /
zhes so / /
de'i slob ma slob dpon sangs rgyas ye shes zhabs zhes grags pa 'jam pa'i dbyangs las dbang bskur ba thob pa des / tshogs su / slob dpon gsang pas mig 'thon yang bzod par gsol bas / nyin mtshan gnyis kar mthong ba'i spyan byon pa de / slob ma gu Na mi tras bskul nas sdud 'grel brtsams / gsang 'dus la lung gis zin pa'i chos bcu bzhi brtsams te / 'jam dpal zhal gyi lung dang / sgrub thabs kun tu bzang po dang / kun tu bzang mo dang / bdag grub par 'byung ba dang / sna tshogs 'khor lo dang / rin chen 'bar ba dang / rtsa ba'i ye shes chen po dang / tshigs su bcad pa'i mdzod dang / grol ba'i thig le dang / byang chub sems kyi thig le dang / bkra shes kyi [B:113a]rnam bshad dang / bzhi pa la 'jug pa dang / gtor ma dang / sbyin sreg dang / mchod pa dang / dkyil 'khor dang / chu dbang gi sgrub thabs la sogs pal grags so /
slob dpon dbyig gnyen gyi slob ma 'dul ba rang bas mkhas pa yon tan 'od ni / rgya cher 'grel las / 'phags pa gzhi thams cad yod par smra ba'i 'dul ba 'dzin pa chen po / /
bram ze'i slob dpon btsun pa yon tan 'od / bdag dang gzhan gyi grub pa'i mtha' rgya mtsho'i pha rol tu son pa / bde bar gshegs pa'i chos 'dul ba bdud rtsi'i nying khus shes rab kyi dbang po rgyas pa de bzhin gshegs pa'i [C:166]bka' dam pa nan