[A:126a]tan snying pod bsgrub pa / zhes 'byung ba'i yon tan dang ldan pa des / 'dul ba'i mdo dang / las brgya rtsa gcig dang / byang sa'i tshul khrims le'u'i 'grel pa dang / 'dul ba'i mdo la rang 'grel la sogs pa mdzad do / /
kha cig las brgya rtsa gcig dul ba lhas byas par 'dod do / /
slob dpon de kha cig nyer sbas kyi slob mar 'dod / kha cig legs mthong gi slob mar 'dod de / dus mi gcig pas nor bar rig par bya'o / /
stod 'dul ba dag legs mthong gis phyir mi 'ong la / des glos mi 'bebs la / des yon tan 'od la bshad zer te / brtag dgos so / /
yon tan 'od kyis lo bzhi brgya thub zer ro / /
de'i slob ma sh'akya 'od yin zer ba / mi bden te / 'od ldan las / bdag gi mkhan po ma ga dhar gnas rgyan du gyur pa grags thob pa / /
bsod nams grags pa las ni bdag gis mnyan nas rang gi 'dul ba'i cho ga yi / /
rnam par bshad 'di gsum rig rnams kyis bshad pa'i phyogs kyi gzhi mdzad bstan pa yin / /
zhes pa dang / gzhan yang / bla ma dag ni ring na bzhugs pa grags pas rnam par khyab ba zhi ba'i 'od kyis bdag /
dran pas dgongs pa [B:113b]mdzad par gyur cig snyam nas bdag gis 'grel pa don gsal byas pa yin / zhes bsod nams grags dang / zhi ba 'od kyi slob mar bshad do / /
de'i slob ma sh'akya bshes gnyen yin par sum brgya par bshad do / /
sh'akya 'od kyis sum brgya pa dang de'i 'grel pa 'od ldan mdzad do / /
'dul ba'i mdo la chos kyi bshes gnyen gyis rgya cher 'grel mdzad cing / de yon tan 'od kyi slob