[A:126b]mar kha cig 'dod do / /
sh'akya 'od kyi slob ma seng ge'i gdong can / de'i slob ma dzi na mi tra yin zer ba'ang brtag par bya'o / /
rgyal sras zhi ba lha'i lo rgyus ni / ngo mtshar can gyi gtam bdun zhes grags te / lhag pa'i lha mnyes n'a len dra'i / /
bkod pa phun tshogs rtsod pa bzlog /
ya mtshan can dang sprang po dang / rgyal po mu stegs can btul ba'o / /
de la dang po lho phyogs su yul 'khor bzang po zhes bya bar rgyal po dge ba'i go cha zhes bya ba'i sras zhi ba'i go cha zhes bya bar bltams nas gzhon nu'i tshe rig pa mang po bslabs shing / khyad par du ku su lu zhig la 'jam dpal rnon po'i sgrub thabs shig zhus te bsgrubs pas zhal mthong ngo / /
re shig na yab 'das te / nang par rgyal por dbang bskur ba'i do nub rmi lam na / sang rang nyid sdod par 'gyur ba'i khri de la rje btsun bzhugs nas / bu gcig 'di ni nga yi stan yin te / /
nga ni khyod kyi dge ba'i bshes gnyen yin / /
nga dang khyod gnyis stan gcig la 'dug pa / /
'di ni rnam pa kun tu [C:167]rigs ma yin / zhes gsung ba rmis pas sad pa dang rgyal srid bzung mi btub par shes te / bros nas n'a len drar paNDi ta lnga brgya'i khyu mchog rgyal ba'i lha las rab tu byung ste / mtshan zhi ba'i lha zhes btags te / nang gi kun spyod 'phags pa la chos gsan cing de la mnyam par 'jog pa dang / /
bstan bcos zab mo rtsom par mdzad kyang / phyi'i spyod lam za nyal 'gro ba ma gtogs [B:114a]pa gzhan gyis ma rig pas / bhu su ku 'du shes gsum pa zhes grags shing / gzhan rnams kyis phyi'i spyod pa la dpags nas / rab tu byung ba'i bya ba 'khor