[A:127a]lo gsum yin pa la / 'di gang dang yang mi ldan par dad pas byin pa longs spyod par mi rung bas bskrad par bya / de'ang mdo 'don res byas pas rang bud la 'gro lo / /
snyam du bsams nas / de la mdo 'don par bsgo pas mi nus zer ba dang / mkhan po la zhus pas / khyed nyid kyis sgos shig gsung nas bsgos pas / 'don par khas blangs pa dang / kha cig ci yin mi shes snyam zhing the tshom du gyur bzhin du nyams sad pa'i phyir / skye bo mang po'i dbus su khri mthon po bshams so / /
de nas ji ltar song mi mngon par phyag gis mnan nas / steng du byon pas phal cher yid gnyis su gyur to / /
de nas sngar grags pa gdon nam / ma grags pa gdon gsungs pas / ma grags pa gdon par zhus pas / bslab btus ni mngas?mangs? / mdo kun las btus ni nyungs bas / tshig bsdus la don rgyas pa / byang chub sems dpa'i spyod pa la 'jug pa zhal ton du mdzad cing / sher le'i / gang tshe dngos dang dngos med dag /
ces pa nas / nam mkha' la je mtho je mthor song nas / mthar sku mi snang bar gsung grag pa'i sgo nas rdzogs par bton te gshegs so / /
de nas gzungs thob pa rnams kyis ji ltar zin pa bsdus pas shu lo ka bdun brgya dang stong dang stong lhag tu gyur pas the tshom za zhing / bslab pa kun las btus pa yang / /
yang dang yang du blta bar bya zhes pa dang / yang na re zhig mdor bsdus pa / /
mdo rnams kun las btus pa blta / zhes pa'ang / ngo ma shes pa na / lho phyogs mchod rten dpal yon can na bzhugs par thos nas / dge slong