[A:127b]gnyis spyan 'dren du btang ba dang mjal nas / de dag zhus pas / [B:114b]bslab btus dang mdo kun las btus kho bo'i brang khang gi gdung gseb na paNDi ta'i yi ge phra mos bris pa zhig yod / spyod 'jug shu lo ka stong tshang ba de yin / zhes lung bstan te de dag gi bshad pa dang sgrub pa'i lung yang gnang ngo / /
de nas shar phyogs su byon te rtsod pa chen po byed pa zhig gi 'thab zla mdzad pas / rdzu 'phrul gyis thams cad 'dums par gyur te bde ba la bkod do / /
[C:168]yang yul ma ga dha'i nub phyogs ha cang mi ring ba zhig na / ya mtshan gyi lta ba 'dzin pa lnga brgya gnas pa'i 'khor du bsdad pa dang / re shig yul ngan chen po byung bas bza' btung che de / nyom mongs par gyur nas su slong nus pa dpon du bskos shing bsgo ba nyan par byas pa dang / slob dpon gyis 'bras chan s+hung bzed gang blangs te / byin gyis brlabs pas thams cad tshim par mdzad nas / de dag ya mtshan can gyi lta ba las bzlog ste / thub pa'i bstan pa la bcug go / /
de nas re shig mu ge chen po byung ste / sprang po stong tsam zhig bru ba tsha bas nyen te / /
'chi la khad pa na / slob dpon gyis 'tsho ba sbyar zhing chos bstan te / bde ba la bkod do / /
de nas shar phyogs su / a ri bi sha na'i rgyal po la ma tsa la'i gnod pa bya ba / 'tsho ba ma phyid pa kha cig rgyal po la 'khril nas kho la gnod pa byas na rgyal po gsod pas / nor sbyin dgos pa yod pas / bsrung ba'i phyir sku srung mdzad pa la slob dpon la / rje btsun gyis phyag rgyar bcangs pa shing gi ral gri zhig las med pas grogs kyis mthong ste / rgyal po la mi 'di sgyu can zhig ste lag cha la gzigs