[A:128b]nge 'dzin mdzad pas tshub ma chen po langs te / rmeg med par khyer te rtswa dang shing dang grong khyer thams cad kyang 'gyel la ma 'gyel la thug par ldeg /
der 'tshogs pa'i mi rnams kyang bdas / mu stegs kyi ston pa yang rnam par 'thor î rlung gi Úbdas pa'i bye'u bzhin du / phyogs thams cad du khyer zhing mun pa chen por gyur to / /
de nas slob dpon gyi smin mtshams nas / 'od byung nas rgyal po dang btsun mo la lam bstan te gos dang bral zhing rdul gyis g.yogs pa la chus bkrus nas / ras [B:115b]gsar pa g.yogs te mes bsros te bde bar byas so / /
de nas mu stegs kyi lha khang rnams bshig nas sangs rgyas kyi bstan pa la btsud pas da lta'i bar du yang mu stegs pham pa'i yul zhes grags so / /
slob dpon des rang nyid so skyer zhal gyis bzhes kyang / slob dpon shes rab 'byung gnas blo gros kyis 'phags par bshad cing / nag po bas kyang 'jam pa'i dbyangs kyi zhabs kyi pad mo la spyi bos gtugs par bshad pa'i slob dpon des / rgyas par ston pa bslab btus / bsdus te ston pa mdo kun las btus / don rgyas la tshig bsdus pa spyod 'jug dang gsum mdzad do / /
spyod 'jug la rgya gar na 'grel pa brgya rtsa yod par grags kyang / bod du 'gyur ba brgyad tsam yod do / /
mdo lang kar gshegs par / sgra byed pa ni p'a Ni ni / zhes lung bstan cing / 'jam dpal rtsa ba'i rgyud las kyang / byang chub thob par lung bstan pa'i bram ze p'a Ni ni la sogs pas mdzad pa'i sgra'i bstan bcos kyi lo rgyus ni / dang po su macu rtsa gsum du sarbba dzny'an zhes pa'i lha zhig gis sgra'i bstan bcos chen po