[A:128a]shig ces gsol pas / rgyal po khros te / khyod kyi ral gri phyung zhig ces smras pas / lha nyid la gnod par 'gyur ro zhes gsol bas / gnod kyang bla yis / nges par phyung zhig zer ro / /
'o na lha'i spyan gcig bkab ste gcig gis gzigs shig ces gsol pas / [B:115a]de ltar byas te / ral gri phyung bas de'i 'od zer gyis ma bzod de / mig gcig zhar ba dang / bzod par gsol te skyabs su song ste / chos la btsud do / /
de nas dpal gyi ri'i lho phyogs su byon te / u tsha sma'i spyod pa zhes pa sprang po'i cha byad gcer bu khrud ma pho ba'i tshigs mas 'tsho bar byed pa na / kha ti bi ha ra'i rgyal po'i bran mo ka tsa la has khrud ma pho ba'i chu thor slob dpon la phog pas khol ba mthong ste / de'i tshe mu stegs kyi ston pa shad ka ra de pa zhes bya bas / gnangs nam mkha' la dbang phyug chen po'i dkyil 'khor 'bri bas / de bshig ma nus na nang pa'i chos lha rten bsregs nas / phyi rol pa'i sgor 'jug dgos so zhes rgyal po la gsol pa dang / rgyal pos dge 'dun bsdus te / don de bsnyad pas sus kyang bshig par khas len ma nus pas / rgyal po mya ngan du gyur pa na / bran mos sngar mthong pa de bshad pas / tshol cig gsungs nas / phyogs kun tu btsal bas shing sdong gcig gi drung nas rnyed de / don de zhus pas / ngas nus kyis / /
chu bum pa gang ras yug gnyis / me rnams sta gon gyis shig gsungs nas / de ltar byas so / /
sang dgong kha thig btab ste song bas thams cad the tshom du gyur to / /
[C:169]gnangs snga dro dkyil 'khor bris te shar sgo tsam zin pa na / slob dpon gyis ting