[A:131b]la'i gling dang / pri yang ku'i gling dang / ya mu na'i gling [B:118a]dang / gser gling dang / zla ba'i gling dang / ma kha dang / kha sha dang / gyi ljang dang / zhang zhung dang / bru sha dang / 'a zha dang / sum pa dang / za hor dang / mi nyag dang / 'jang yul dang / yo gur dang / tho gar dang / u ryan dang / 'gro lding ba'i yul dang / long ba'i yul dang / tso la dang / ka ling ga la sogs pa'i yul chen [C:173]po rnams dang / bod yul rnams na bstan pa dar ba dang nub pa dang mgo zug pa'i tshul gyis / theg pa gsum tshang ba dang ma tshang ba ci rigs su gnas so / /
bka' mang po klu'i yul na bzhugs par bshad de / slob spring las / bstan pa rin chen mchog ltar bzang la 'phan med pa / /
rnam par dag tshul gang yin klu mgo'i gdengs ka can / /
chen po rnams kyis gtsug gi rgyan bzhin gus mnos nas / /
sa yi gting na gnas pa'i rab rib sel bar mdzod ces gsungs so / /
IVAcc1b2c3c4. gsum pa nub par 'gyur tshul ni / zla ba snying pos zhus pa las / bcom ldan 'das dam pa'i chos 'di tha mar ji ltar nub par 'gyur / rgyu ci las nyams / sus ma mchis par bgyid / ces zhus pa na / nga 'das pa'i 'og tu lo lnga brgya'i bar du / nga'i bstan pa spyod pa'i sems can rnam par grol ba mang du 'byung / /
de nas lo lnga brgya'i bar du ting nge 'dzin spyod pa'ang mang du 'byung / rgyal po dang sems can phal cher chos la dad cing spyod pa ni / phyir zhing nyung bar 'gyur ro / /
de nas lnga brgya'i bar du dam pa'i chos ston cing / sems can 'dren pa dang thar par byed pa'i slob dpon mang du 'byung la / nyan thos kyi dgra bcom pa nyid ni nyung bar 'gyur ro / /
rgyal po