[A:132a]dang sems can phal yang nyan pa tsam du zad kyi / nyams su len cing spyod pa la brtson 'grus mi byed la dad pa 'bri bar 'gyur ro / /
dam pa'i chos kyi srung ma rnams kyang mi dga' [B:118b]bar 'gyur te / dam pa'i chos la mi dad pa rnams ni sngon bas mthu stobs skye'o / /
'dzam bu gling gi rgyal po rnams kyang phan tshun gcig la gcig dmag 'dren cing 'khrug par 'gyur ro / /
de la lo lnga brgya'i sum brgyar ni / dam pa'i chos spyod pa'i lha klu la sogs pa rnams mi gnas shing / sems can rnams chos la ma dad par 'gyur / chos spyod pa rnams kyang chos kyi gzhung bzhin mi spyod pa dang / brtson 'grus chung bas grub pa'ang nyung bar 'gyur / kha dog bzhi dang bzhi las gyur pa'ang dri ro la sogs pa'ang chung bar 'gyur ro / /
mi nad dang phyugs nad dang mu ge'ang 'byung ngo / /
lo nyis brgya la dge slong yang chos bzhin mi spyod / 'jig rten gyi khe dang grags pa 'tshol / snying rje chung / tshul khrims la mi gnas / dam pa'i chos ma nor bar spyod pa la ni skur pa 'debs / longs spyod dang yo byad 'phrog /
'jig rten gyi rgyal po'i gsung la brten cing rgyal srid 'dzin / rgyal po'i 'phrin par 'gro zhing ngo 'phrad 'tshol / /
rgyal po dang 'bangs 'byed pa'i dbyen byed / nyo tshong dang khe spogs byed [C:174]thabs tshol / dam pa'i chos spyod pa'ang snying nas nyams su blangs te mi spyod kyi / phal cher kha gsag dang tshul 'chos byed do / /
de'i dus na chos la dga' ba'i lha klu thabs cad kyis khams kyi dge slong 'di ltar spyod pa'i sa gzhi de bor te mi gnas shing / bdud kyi ris la sogs pa chos kyi bgegs rnams der 'byung ste / mthu dang