[A:132b]stobs skye bar 'gyur / /
rgyul po dang blon po la sogs pa dad pa 'bri dge sdig gi mtshams mi zin / dam pa'i chos la rma 'byin / dkon mchog gsum gyi dkor dang dge 'dun gyi rdzas la rku 'phrog byed / sdig pa la mi 'dzem / gzugs brnyan dang mchod rten rnams khad kyis bshig /
mchod pa'i yo byad 'bri / de'i tshe dam pa'i chos ma nor bar spyod pa'i dge slong dang khyim pa 'ga' gnas pa'i bsod nams kyis / yul phyogs su kha [B:119a]char dus su 'bab cing / lo legs pa dang mi nad phyugs nad nyung zhing yul bde ba dag kyang 'byung la / de lta bu mi gnas pa phal cher ni sdug bsngal dang mi bde ba sna tshogs 'byung ngo / /
de'i dus su rgya gar dang / rgya ma yin pa'i rgyal po ya ba na dang / ba la b'a dang / shi kun na zhes bya ba gsum 'byung zhing / de dag dam pa'i chos bzhin mi spyod par dmag 'dren cing 'thab rtsod byed pas nub dang byang gi yul khams mang po med par byas / yul khams de'i mchod rten dang gtsug lag khang bshig / mes bsregs / mchod pa'i yo byad dang / dkon mchog gi dkor la sogs pa phrogs bcom ste / rgyal po de gsum gcig la gcig gnod pa byed pas / gsum char gyi rgyal srid mi bde bar gyur nas / re zhig de dag mdza' 'dum te / srid gcig tu byas te dmag mang po bsdus nas / rgya gar gyi yul gang g'a'i tshu rol ga dha ra dang ma h'a de sha la sogs pa phrogs nas 'dzin par 'gyur ro / /
de'i tshe gang g'a'i pha rol lho phyogs na sh'a ma b'i'i yul na / rgyal po ma he ndra se na zhes bya ba la / bu zhig btsas pa'i ming du pra sa ha zhes bya ba / smin mtshams na lcags kyi sme ba yod pa /