[A:133b]gsum gyi dmag 'di lta bu dang 'thabs pa las / rgyal ba legs so / /
da phyin chad khyod kyis rgyal srid zung shig /
nga ni rab tu 'byung ngo zhes bsgos nas / rgyal srid bus bzung ngo / /
de nas lo bcu gnyis kyi bar du rgyal po gsum gyi dmag dang 'thabs pa las dmag mang po'ang rim gyis gtugs / rgyal po gsum yang bzung nas med par byas so / /
de phan chad 'dzam bu gling gi rgyal po chen po byas par gyur to / /
de nas rgyal pos / blon po rnams la nga 'dzam bu'i gling gi rgyal po byed pa ni dga' na / sems can mang po 'di snyed cig bsad pa'i sdig pa che bas / mi dga' bas / sdig pa 'di ji lta bu byas na 'byang bar 'gyur / zhes dris pa dang / blon po rnams na re / yul p'a Da li pu tra na chos kyi mkhan po sde snod gsum shes pa bram ze a ka na dra dha'i bu slob ma can zhes bgyi ba zhig dgon pa na gnas pa de spyan drangs na / sdi pa 'byang bar bgyid nus so zhes zer ba dang / rgyal po dga' nas / dge slong slob ma can spyan drangs nas rgyal pos phyag byas te / sdig pa [B:120a]rnams thabs ci zhig gis 'byang zhes zhus pa dang / des dkon mchog gsum la lo bcu gnyis su mchod cing skyabs su gsol na sdig pa 'byang ngo zhes byas so / /
de nas / 'dzam bu'i gling na dge slong 'dug go cog la 'gugs pa btang ste / thams cad ko'u sh'am b'ir bsdus nas / yul gzhan du chos spyod du mi ster bar gyur to / /
dge slong rnams kyang lam du gcan gzan dang / mi rgod dang chu la sogs pas phal cher chud zos nas / rgyal po'i drung du 'bum tsam zhig gis phyin par 'gyur ro / /
de dag phyin pa dang rgyal pos mchod ston gsol yon phul te mchod do / /
de nas