[A:134a]dge 'dun rnams phan tshun khyod kyi mkhan po ga re slob ma gar song / grogs po khrims zla ga re / zhes so sor [C:176]gtam dris pa dang / gcan gzan dang / mi rgod kyis bsad pa dang / chus khyer ba dang nad kyis btab ste shi ba la sogs pa'i gtam byas pas / so so nas mya ngan langs te / dud mos 'debs shing brang brdung par 'gyur ro / /
de nas rgyal pos mya ngan ma byed ces bsgo nas / dge 'dun rnams kyis ma mnyan pa dang / rgyal po'ang mi dga' ste / kha 'og tu phyogs te nyal lo / /
nyal ba'i tshe / da 'jig rten kyi dge 'dun la ni skyabs ma byung gi /
dgra bcom pa'i zhal mthong bar shug cig /
ces smon lam btab pa dang / 'jig rten gyi lhas rmi lam du gandha mah'a na'i ri la su ratna sha'i bu / des pa zhes bya ba dgra bcom pa zhig bzhugs te / de spyam drangs na sdig pa 'byang zhing / the tshom yang sel bar 'gyur ro zhes lung bstan pa dang / rgyal pos / rmi lam bzhin du sad ma thag pho nya bkye ste / 'phags pa spyan drangs te mchod cing phyag byas so / /
de nas tshes bcu bzhi'i nub mo dge 'dun 'dus pa'i nang nas dge slong gsar zhugs rnams kyis mkhan po slob ma can la 'dul ba bshad par gsol ba dang / slob ma [B:120b]can na re / mi la mig zhar sna dang rna ba med na / me long gis ci byar yod / 'dul ba bshad kyang / khyed 'dul ba bzhin mi spyod / chos khrims mi bsrung ba la 'dul ba bshad pas ci phan zer ba dang / dgra bcom pa des pas / seng ge'i sgra bzhin du / ngas sangs rgyas bcom ldan 'das kyi chos khrims mnos nas / da tsam gyi bar du rtswa