[A:13a]rtabs pa'o / /
'khor thag ring po dang nye bas mtshungs par thos pa'i phyir 'khor kun tu grags pa'o / /
'jig rten pa'i don thams cad dpe'i chos su bsgyur ba'i phyir rnam pa thams cad kyi mchog dang ldan pa'o / /
zhes 'phags pa thogs med gsung ngo zhes nyi khri snang bar bshad do / /
'gyur gzhan las tha ba med pa la chub pa zhes dang / brjod pa la 'bel ba zhes 'byung zhing yan lag drug cu'i bshad pa ni / sa sde dang 'bum tig dang mdo sde rgyan gyi 'grel pa dang rnam bshad rigs pa rnams mthun par snang ngo / /
gsang ba bsam gyis mi khyab pa'i mdor gsung dbyangs yan lag drug cu rtsa bzhir mdzad de / 'khor kun tu grags pa'i rjes su 'dod chags zhi bar byed ba dang / zhe sdang 'dul ba dang / gti mug sel ba dang / bdud tshar gcod pa dang / zhes 'byung la / byams pas / yan lag drug cu bsam mi khyab / /
ces 'byung zhing / 'phags pa thogs med dang grol sde dang dbyig gnyen la sogs pa gsung rab la tshad mar gyur pa rnams kyis mdo de nyid las yan lag drug cur bshad ces 'byung bas tshig lhad bcug pa yin min dpyad par rigs so / /
IIDca1c2. gsum pa dbye ba la drug ste / a3. dus dang / b3. brjod bya [B:12a]dang / c3. rjod byed dang / c3. gnyen po dang / e3. gdul bya dang / f3. bdag rkyen gyi sgo nas dbye ba'o / /
IIDca1c2a3. dang po la / dus dang por gsungs pa bden pa bzhi'i chos kyi 'khor lo / bar du gsungs pa mtshan nyid med pa'i chos kyi 'khor lo / mtha' mar gsungs pa don dam rnam par nges pa'i chos kyi 'khor lo ste gsum du dgongs pa nges 'grel du bshad do / /
IIDca1c2b3. [C:17]gnyis pa ni / ji skad du / sangs rgyas rnams kyis chos bstan pa / bden