[A:13b]pa gnyis la yang dag brten / zhes pas / kun rdzob rigs pas mi gnas pa ston pa drang don dang / don dam rigs pas 'thad pa ston pa nges pa'i don gnyis te / 'phags pa blo gros mi zad pa bstan pa las / kun rdzob sgrub pa ston pa nges pa'i don gnyis te / 'phags pa blo gros mi zad pas bstan pa las / kun rdzob bsgrub pa ston pa ni drang ba'i don to / /
don dam sgrub pa ston pa ni nges pa'i don to / /
zhes so / /
gang dag mdo thams cad sangs rgyas la ltos te drang don / gdul bya la bltos te nges don du 'dod pa ni rnam par 'khyams pa'o / /
IIDca1c2c3. gsum pa ni / gsung rab yan lag bcu gnyis te / ÌÖÞ¼ÞÕÈstong 'grel pa snying po'i mchog las / mdo sde dbyangs bsnyad lung du bstan / /
tshigs bcad ched brjod gleng gzhi dang / /
rtogs brjod de lta bu byung dang / /
skyes rabs shin tu rgyas pa dang / /
rmad byung gtan la dbab pa dang / /
gsung rab yan lag bcu gnyis yin / zhes so / /
de la mdo'i sde ni / gang bzhed pa'i don smos pa'i tshul gyis rkyang bar gsungs pa'o / /
ci'i phyir phye ste ma gsungs she na / kun btus su / phan yon bcu gzigs nas de bzhin gshegs pa smos pa'i tshul gyis chos ston te rnam par gzhag sla ba dang / bshad sla ba dang / gzung sla ba dang / chos la gus pas myur du tshogs yongs su rdzogs par byed pa dang / chos dang dge 'dun la shes [B:12b]nas dad pa thob pa dang / mthong ba'i chos la bde bar gnas pa'i mchog la reg pa dang / 'bel ba'i gtam gyis gtan la 'bebs pas dam pa rnams kyi sems mgu bar byed de / mkhas pa mkhas pa zhes bya ba'i grangs su 'gro'o zhes so / /
dbyangs kyis bsnyad pa'i sde ni / mdo sde nyid du dbus dang tha mar tshigs su bcad de