[A:136b]bsdus nas / rin po che sna bdun gyi mchod rten byas te der bzhugs pa la kun nas bskor te / skyil krung bcas te 'dug nas / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sh'akya thub pa la phyag 'tshal lo zhes brjod de / phyag byas nas gnas brtan de dag kyang lhag med du mya ngan las 'da' la / rin po che sna bdun gyi mchod rten de yang nub nas 'og gi gser gyi sa gzhi la gnas par 'gyur zhing / de nas bcom ldan 'das sh'akya thub pa'i bstan pa dam pa'i [B: 122b]chos nub par 'gyur ro / /
de nas de'i rjes la rang sangs rgyas bye ba phrag bdun 'jig rten du 'byung bar 'gyur ro / /
de nas skye dgu rnams kyis tshe lo brgyad khri thub pa na / de bzhin gshegs pa byams pa 'jig rten du 'byung ngo zhes bshad do / /
byang chub sems dpa'i sde snod las / tshe lo bcu pa nas byams pa ma byon gyi bar bskal pa yar 'phel la rang sangs rgyas brgyad khri 'byung bar gsungs so / /
kha cig /
de bzhin gshegs pa sh'akya thub pa mya ngan las 'das nas / lo bye ba phrag lnga bcu rtsa bdun na / sangs rgyas byams pa 'byung ngo zer ro / /
rgyal ba'i bstan pa nor bu rin chen sgron / /
dge legs yon tan kun gyi gter gyur pa / /
dus kyi dbang gis yongs su gtugs gyur cing / /
me tog rlan dang bral ba bzhin du nyams / /
da ni bstan pa ring du mi gnas shing / /
tshe ni mi brtan rlung nang mar me bzhin / /
las nyon 'chi bdag bdud ni stobs ldan pas / /
bstan la bag yod byos dang rin chen grub / /
tshul 'di sh'akya'i sras kyi dge slong gang / /
tshe 'di'i dbang gyur yang dag ting 'dzin bral / /
ne tso lta bu'i bu ston kha ches bris / /
dge bas myur du mi pham zhal mthong shog /
chos kyi 'byung gnas gsung rab rin po che'i mdzod las / spyir 'jig rten du chos byung tshul gyi le'u ste gnyis pa'o / / / /
IVB. [C:180]spyi don gnyis pa bod yul du chos ji ltar byung tshul la gsum ste / a. bstan pa snga dar gyi rnam gzhag /
b. phyi dar gyi rnam gzhag /
c. de dag tu chos bsgyur ba'i dkar chag 'astan pa'o / /
IVBa. dang po la / spyir bod kyi yul du / mi'i 'gro pa dang po byung tshul ni / lha las phul du byung ba'i bstod pa'i 'grel par / skya ba seng bu lnga dang / dgra ngan dpung tshogs bcu gnyis 'thab pa'i dus su / rgyal po ru pa ti zhes pa dmag stong phrag gcig dang bcas pa bud med kyi chas [B:123a]su zhugs te / ri gangs can gyi gseb tu bres pa las / 'phel ba yin par bshad cing / bod kyi gtam las / spre'u dang brag srin mo las chad par 'chad de / de dag rgyas par gzhan du blta'o / /
bod kyi rgyal rgyud ni / kha cig /
ko sa la'i rgyal po gsal rgyal gyi sras lnga tshigs yin zer ro / /
kha cig gzugs can snying po'i sras chung ba stobs chung gi sras lnga tshigs yin zer ro / /
kha cig bod rnams bdud dang gnod sbyin gyi rgyal phran bcu gnyis kyis mnar ba'i dus su / bad sa la'i rgyal po 'char byed kyi bu mig mas 'gebs ba sor mo dra bas 'brel ba / mtshan ldan zhig byung bas skrag ste / zangs kha sbyor du bcug ste / gaM g'a la bskyur ba zhing pas rnyed de gsos / de cher skyes pa na / sngar gyi gtam bshad