[A:138a]gnyan zung btsan / de'i sras 'bro gnyan lde ru / de'i sras stag ri gnyan gzigs dmus long zhig skyes pa rgyal sar bton te / gnyan po gsang ba mchod pas spyan phye ste / stag ri la [B:124a]gnyan 'gro ba gzigs bas mtshan de ltar grags so / /
de'i sras gnam ri srong btsan dang / btsun mo tshe spong pa za 'bri za thod dkar gyi sras mtshan dang ldan pa / dbu la a mi de ba bzhugs pa zhig /
me mo glang la bltams te / khri lde srong btsan du btags te / dbu'i 'od dpag med dar le brgan gyis dkris te / lo bcu gsum pa la rgyal sar bton / mtha'i rgyal phran thams cad dbang du 'dus te / skyes 'bul / 'phrin yig klog go /
de las bod la yi ge med pas / thon mi a nu'i bu la 'khor bcu drug dang bcas pa yi ge slob tu btang bas / paNDi ta lha'i rig pa seng ge la sgra bslabs te / bod kyi skad dang bstun nas gsal byed sum cu / a' li bzhir bsdus te / gzugs kha che'i yi ge dang bstun nas / lha sa'i sku mkhar ma rur bcos nas / yi ge dang sgra'i bstan bcos brgyad mdzad de / rgyal pos lo bzhi ru mtshams bcad de bslabs so / /
mdo za ma tog bkod pa dang / pang gong dang / mdo sdo dkon mchog sprin la sogs pa bsgyur ro / /
de'i tshe bod 'bangs kyis rgyal po la gshe ba gsan nas / dge ba bci'i khrims bcas te / bod rnams chos la bkod pas / ming srong btsan sgam por grags so / /
de nas rgya gar lho phyogs nas tsan dan sbrul gyi snying po las rang byung du byon pa'i spyan ras gzigs bcu gcig zhal spyan