[A:140a]lon te / rgyal sar bton te / yab mes kyi le'u tshe gtam mdzad pa na / chos kyi gtam byas te / chos sbas pa blangs te / snyan du gsol bas dad par gyur te / rgya me mgo dang / paNDi ta a' nanta dang gsum gyis bsgyur cig gsungs te / bsgyur bar brtsams pa / blon ma zhang grom pa skyes la sogs pas bkag go /
der blon po chos la dga' ba rnams kyis sang shi mang yul du brdzangs so / /
gsal snang gis mang yul du ma bsdad par / rgya gar du phyin nas ma h'a dhi dang / shr'i na lendra la mchod pa byas / bal yul du mkhan po bo dhi sa twa dang mjal te / mang yul du spyan drangs nas / gtsug lag khang bzhengs sems bskyed de / ye shes dbang po zhes ming [B:126a]btags so / /
slob dpon bod du byon par zhus pas / lung bstan cing / zhal gyis bzhes te / bal por gshegs so / /
sbas chos bslabs te pho brang rlung tshubs su rgyal po dang mjal te / chos kyi bka' mchid byas / [C:185]bo dhi sa twa'i lo rgyus bsnyad pas / khyod yib cig /
ngas zhang nyam bzang khad kyis gsol du gzhug go gsungs nas / zhang nyam bzang dang 'gos khri bzang la sogs pa chos la dga' ba'i blon po kun la chos byed par mol btab pas / nyam bzang na re / ma zhang dbang che la chos la gnag pas / mi 'grub mchi zer / 'gos na re / thabs bgyi bar rngo thog /
kho bo'i rting gnon slad kyis mdzod cig zer ro / /
rgyal blon chad byas te / 'gos kyis blo bton nas / ma zhang grom pa skyes gson por dur du bcug ste kha pha bong gis bcad do / /
de nas