[A:140b]ye shes dbang po a' tsa rya bo dhi sa twa spyan 'dren du btang / lang grong sna ra dang / gnyer stag btsan stong gzigs dang / sbrang rgya ra legs gzigs gsum bsu ru btang ngo / /
mang yul du mjal nas lang grong sna ra dang / a' tsarya der bzhag nas / pho brang du rje la zhes phul bas / zhang blon rnams na re / lho bal gyi ngan sngags byed mi byed brtag dgos / zer te / sang shi dang / seng gong lha lung gzigs dang / mchims me lan gsum btang bas skad ma shes te / kha che a nanta la lo tstsha bcol te / a' tsarya ci 'dra dris pas 'azng po zhig ste / thugs 'phrig mi 'tshal zer nas pho brang du spyan drangs te / kha che a nantas lo tstsha byas te / pho brang rlung tshubs su zla ba bzhir / dag ba bcu / khams bco brgyad / rten 'brel bcu gnyis kyi chos bshad pas / bod kyi lha srin khros te / 'phang thang chus khyer / dmar po ri la thog rgyab / mi nad phyugs nad byung bas / bod 'bangs yo log nas / chos byas pas lan zer te / a' tsarya bal bor btang ngo / /
de nas ring zhig [B:126b]nas / sba gsal snang rgya yul du chos tshol du btang ngo / /
sang shi la sogs pa sum cu a' tsarya spyan 'dren du btang ngo / /
de'i tshe rgya'i hwa shang na re / da zla drug na / 'phags pa rta skad kyi sprul pa 'di 'dra zhig 'ong zhes 'bag gyas shing / sleb pa dang / rgya rjes bya dga' byin / hwa shang la bsgom lung blangs te / 'khor ba na skyes phul lo / /
a' tsarya da du nga spyan ma 'drongs par / khyod song zhig gsungs nas / bal bor phyin nas / a' tsarya spyan drangs te / brag dmar 'grin bzang du phyin te / rgyal po la / bod kyi lha srin mi thul bas / chos byed mi ster zhing