[A:141a]btsan po sku tshe thung ba des lan pas 'dul ba la / slob dpon padma saM bha wa zhes bya ba mthu rtsal dang ldan pa zhig yod pas / de spyan drongs shig gsungs pa dang / btsan pos / rmi lam du byung ba skad bgyis te / sba mang rje gsal snang dang / seng gong lha lung gnyis la g.yog sna nam rdo rje bdud 'joms / lce dzny'a na siddhi / mchims sh'akya pra bha / brang ti dza ya rakSHi ta / shud pu dpal gyi seng ge dang / lnga btang bas / slob dpon gyis mkhyen te / mang yul gung thang [C:186]du byon pa dang mjal nas / rim gyi lha srin gdug pa can rnams dam la 'dogs shing byon te / has po ri la chags phab ste btsan po dang mjal nas mal dro'i phur byon nas bod kyi lha srin thams cad dam la btags so / /
de nas slob dpon bsam yas su spyan drangs te / sa chog mdzad de / slob dpon bo dhi sa twas sa spya mdzad de / o tyanta p'u pu ri'i gtsug lag khang la dpe blangs te ri rab gling bcu gnyis / nyi zla zung gcig /
mtha' lcags ris bskor ba'i bkod pa mdzad de / me mo yos bu'i lo la rmang bting ngo / /
sngon la 'arya pa lo'i gling bzhengs lha rnams bod kyi mi la dpe byas te bzhengs / btsun mo che ba tshe spongs za dmar rgyal mo tog sgrol mas khams gsum zang khang gling bzhengs / pho yongs za rgyal mo btsun gyis dbu tshal gser khang gling [B: 127a]bzhengs / 'bro za byang chub sman gyis / dge rgyas bye ma gling bzhengs so / /
sa mo yos la tshar nas / a' tsarya bo dhi sa twa dang / padma saM bha wa sa rab gnas mdzad lo bcu gsum du dga' ston byas te / lug gi lo la thams cad yod smra'i sde pa'i dge slong bcu gnyis spyan drangs