[A:141b]te bod la bcun pa btub mi btub sad pa'i phyir du / sad mi mi bdun rab tu phyur ste / rgan gsum ni dba' manydzu shri / rtsa ngas de lpen tra / bran ka mu ti ka /
gzhon gsum ni 'khon n'a gentra / pa gor bai ro tsa na rma a' carya rin chen mchog go /
bar pa glang ka ta na / rab tu 'byung ba'i mtshan ye shes dbang po yin la / mkhan po d'a na sh'i las byas zhes kha cig zer ro / /
mkhan po bo dhi sa twas byas nas / thog mar bya khri gzigs rab tu byung bas mngon shes lnga dang ldan par gyur to / /
de nas spa gsal snang / 'ba' khri bzher / sang shi ta / pa gor bai ro ca na rakSHi ta / ngan laM rgyal ba mchog dbyangs / mkhon klu'i dbang po bsrung ba / rma a' tsarya rin chen mchog /
tsang legs grub dang bdun rab tu byung ba'i mtshan / ye shes dbang po dang / dpal dbyangs la sogs pa yin / sad mi mi bdun yin zer ro / /
ming gi mtha' la brtags na / bo dhi sa twa'i mchan sh'anta rakSHi ta yin pas / de'i mkhan bur gsal la / mkhan brgyud ni / sh'a ri'i bu / sgra gcan zin / klu sgrub / legs ldan 'byed / dpal sbas / ye shes snying po / mkhan po ba dhi sa twa rnams / bsam yas gyang ris la yod do / /
[C:187]de nas slob dpon padmas ngam shod kyi bye ma ne'u gsing du bsgyur ba dang / gtsang po sbubs su 'dzud pa la sogs pa mdzad par byas te / btsan po khrus bsil ba'i chu dngul gyi [B:127b]bum pa nam mkha' la bskyur bas / lha'i chu 'o ma'i mdog 'dra bas gang byung bas / skra bsil bar gsol pas / blon pos skyo ma byas te / slar brdzangs so / /
gzhan yang rgya gar gyi slob dpon bi ma la mi tra dang / sangs rgyas gsang ba dang / sh'anti garbha dang / bi shuddha sing