[A:142a]ha la sogs pa dang / bod kyi lo tstsha ba sad mi mi bdun dang / chos kyi snang ba dang / bande nam mkha' dang / sgro rin chen sde dang / rnam par mi rtog pa dang / sh'akya 'od la sogs pas / lo tstsha byas te chos mang po bsgyur ro / /
sngags 'chang dharm'a k'irti zhes pa spyan drangs te / yo ga rdo rje dbyings la sogs pa'i dkyil 'khor du bdud 'dul sngags pa gling du dbang bskur / kha che'i paNDi ta dzi na mi tra dang / d'a na sh'i la la sogs pas rnam dag khrims gang gling du khrims phog / rgya'i hwa shang la sogs pa mi g.yo bsam gtan gling du bsam gtan byed / brda sbyor tshangs pa'i gling du brda sbyor / dkor mdzod pe har gling du nor 'jog /
bai ro tsa na'i gling du chos 'chad pa la sogs pas / bstan pa yongs su rdzogs par dar bar byas te / 'brug gi lo la pho brang ldan dkar na bzhugs pa'i ston pa sgra bsgyur gyi bande dpal brtsegs dang / bande klu'i dbang po la sogs pas / bod khams su dam pa'i chos 'gyur ro 'tshal gyi mtshan byang / bam po dang / sho lo ka'i grangs su mchis pa gtan la phab nas / dkar chag tu bris so / /
de nas a' carya bo dhi sa twa 'i zhal nas / bod du mu stegs ni mi 'byung gis / sangs rgyas kyi bstan pa nyid kha gnyis su gyes te / rtsod par 'gyur bas / de'i tshe / nga'i slob ma ka ma la sh'i la spyan drongs la / rtsod pa byed du chug cig byas pas / rtsod pa chos phyogs su zhi bar 'gyur ro / /
zhes lung bstan te / rtas 'phra rgyab ste zhi bar gshegs so / /
dpal dbyangs slob dpon du bskos te chos ston / ye shes dbang [B:128a]po bros te / lho brag tu bsgom du song ba dang / rgya'i hwa shang