[A:142b]mah'a ya na'i slob ma dar te / lus ngag gi chos spyod dge ba byas pas sangs mi rgya / byar med la gnas nas sangs rgya / zer nas / chad lta la zhen nas dge sbyor mi byed / bod phal cher de la dga' ste de'i lugs sleb / dpal dbyangs dang / rba ratna la sogs pa nyung shas shig a' tsarya bo dhi satwa'i lugs byed pas lta spyod ma mthun te rtsod pa la / btsan pos / a' tsarya bo dhi sa twa'i lugs bzhin du [C:188]lta spyod gyis shig /
gsungs pas / ton mun pa rnams khros te / chu gri rnon po re bsrel zhing / tsen min pa ril gsod zer zhing / rgyal po thugs ma bde nas / ye shes dbang po 'bod du btang bas / lan gnyis su ma 'khugs nas / gsum pa la ma zhugs na gsad par byas te btang bas / brag phug 'dom bcu gnyis la spyang thag la 'gro dgos pa zhig tu phyin te gshegs par zhu / mi gshegs na gsod du 'ong bas lceb byas pas byon te / rgyal po la bdag dgug mi 'tshal / mkhan po'i zhal chems 'di ltar bdog zhus pas / rgyal po bsnyel sos te / slob dpon ka ma la sh'i la spyan 'dren pa'i pho nya btang ste / de hwa shang gis tshor nas / yum rgyas pa la sogs pa mdo sde zab mo rnams spyan drangs te / bshad bslabs / bstan bcos la chos bya mi dgos / nyal bas chog ces ston pa / bsam gtan nyal ba'i 'khor lo / /
de la rtsod pa spong ba bsam gtan gyi lon / yang lon gnyis / de rigs pas bsgrub pa'i lta ba'i rgyab sha / lung gis bsgrub pa mdo sde brgyad cu khungs la sogs pa byas / mdo sde dgongs pa nges 'grel rang gi lta spyod dang 'gal bar mthong nas / rdog pas dril lo / /
de'i tshe ye shes dbang pos /