[A:143a]mkhan po'i dgongs pa 'di bzhin yin zhes snyan du gsol bas btsan po dgyes te / khyed nga'i a' tsarya [B:128b]zhes gsung ngo / /
de nas ka ma la sh'i la byon pa dang / btsan po gong la bzhugs / hwa shang g.yas gral du byas / slob dpon g.yon gral du byas te / tsen min rnams de'i mjug tu mthud de / btsan pos gnyis ka'i lag tu me tog phreng ba gtad de / khyed gnyis shags gyis la gang rgyal ba la / pham pas me tog phreng ba phul cig /
pham pa de 'dir ma sdod cig ces bka' stsal pa dang / twa shang na re / las dge mi dge spyad na mtho ris dang ngan song du 'gro bas / 'khor ba las mi thar zhing / sangs rgyas thob pa la bsgrib pa yin / dper na / sbrin dkar nag gang gis kyang nam mkha' la bsgrib pa dang 'dra / /
gang zhig ci la yang mi sems / ci yang mi bsam pa de 'khor ba las yongs su thar bar 'gyur ro / /
ci la yang mi sems mi rtog mi dpyod pa ni / mi dmigs pa yin pas / cig car du 'jug pa ni sa bcu pa dang 'dra'o / /
zer ro / /
ka ma la sh'i la'i zhal snga nas / de ltar ci la yang mi bsam zer ba de ni / so sor rtog pa'i shes rab spangs pa yin no / /
yang dag pa'i ye shes kyi rtsa ba so sor rtog pa'i shes rab yin pas / de spangs pas 'jig rten las 'das pa'i shes rab kyang spangs par 'gyur ro / /
so sor rtog pa'i shes rab med na rnal 'byor pa gang gis rnam par mi rtog pa la gnas / gal te chos thams cad dran pa med cing [C:189]yid la bya ba med pa yin na / nyams su myong ba thams cad mi dran zhing / yid la mi bya bar mi nus so / gal te bdag