[A:143b]gis ches dran par mi bya'o snyam na / de shin tu dran pa yid la byas par 'gyur ro / /
dran pa med pa tsam po la byed na / brgyal ba'am / 'bog pa'i dus su rnam par mi rtog par 'gyur ro / /
yang dag pa'i so sor rtog pa med par rnam par mi rtog pa la 'jug pa'i thabs med do / /
dran pa tsam po bkag kyang / yang dag pa'i so sor rtog pa [B:129a]med na / chos thams cad ngo bo nyid med pa la ji ltar 'jug nus / stong pa nyid pa rtogs par / sgrib pa spangs par mi 'gyur ba kho na'o / /
des na yang dag pa'i shes rab kyis / phyin ci log gi snang ba rgyang bsrings pa yin no / /
des na dran bzhin du mi dran byar mi rung ngo / /
dran pa dang yid la bya ba med par / sngon gyi gnas rjes su dran pa dang / thams cad mkhyen par ji ltar 'gyur / nyon mongs pa yang ji ltar spong / de bas na yang dag pa'i shes rab kyis don nges par rtog pa'i rnal 'byor pas / dus gsum phyi nang thams cad stong par rtogs nas / rtog pa nye bar zhi ste / lta ba ngan pa thams cad spangs te / de bstan nas thabs shes rab la mkhas pas / sgrib pa thams cad bsal nas / sangs rgyas kyi chos thams cad thob par 'gyur ro zhes gsungs so / /
de nas btsan po'i zhal nas / 'khor kun gyis kyang mchid shags thob cig gsungs pa dang / dpal dbyangs na re / rgya'i ltar cig car 'jug cing rim gyis sbyeng ba mchis na / pha rol tu phyin pa drug mi mthun phyogs las gdags par gsungs te / sbyin pa ni yongs su 'dzin pa la brten nas gdags te / yongs su 'dzin pa thams cad btang na sbyin pa'i mchog lags / de bzhin du shes