[A:144b]blangs te / de'i tshe / co rma rma la sogs pa mya ngan skyes te / rang gi rten rdos brdungs te shi zhes grags so / /
de nas btsan pos / da phyin chad lta ba klu sgrub kyi lugs zung / spyod pa chos spyod bcu dang pha rol tu phyin pa slobs / ston mun gyi lugs byed du mi dbang ngo / /
zhes bka' stsal te / hwa shang rgya'i yul du brdzangs dpe rnams bsdus te gter du sbas so / /
ston mun dang tsen mun ni rgya'i skad de / cig car ba dang rim gyis pa zhes so / /
dus phyis hwa shang gi rgya'i shan pa mi bzhis / slob dpon ka ma la sh'i la'i mkhal ma mnyes te dkrongs so / /
ye shes dbang pos kham kyi zas spangs te gshags so / /
btsan po yang dgung lo drug cu rtsa dgu la gshegs te / de 'jam dpal gyi sprul par grags so / /
de'i sras mu ne btsan pos chu pho stag la rgyal srid bzung ste / bsam yas su mchod pa chen po bzhi btsugs te / bod [B:130a]'bangs kyi ltogs phyug lan gsum bsnyams so / /
chab srid lo gcig dang zla ba bdun mdzad de / bcu bdun pa la yum gyis dug btang ste 'das so / /
de nas gcung khri lde btsan lo bzhi pa la rgyal srid gtad pas / sad na legs zhes grags te / des skar chung rgyal sde bzhengs / chos srol cher mdzad do / /
de la sras snga 'khrungs te / khri lde srong btsan ral pa can gtsang ma dang / khri dar ma u dum btsan / lha rje lhun grub / khri chen Êäî ral pa can phyag na rdo rje'i sprul par grags pa des / dgung lo bco brgyad lon pa la chab srid bzung ste / pho brang 'on cing rdo rgya phibs dgu thog ma bzhengs te / sngon lha sras yab kyi ring la / mkhan po bo dhi sa twa dang /