[A:145a]ye shes dbang po dang / zhang rgyal nyen nyam bzang dang / blon khri bzher sang shi dang / lo tstsha ba dzny'a de ba ko SHa dang / lce khyi 'brug dang / bram ze a nanta la sogs pas chos kyi skad / bod la ma grags pa'i mang dag cig byung zhing / rgya dang / li dang / za hor la sogs pa sna tshogs nas bsgyur bas / brda mi 'dra ba mang pos chos bslab dka' bar gzigs nas / nyi 'og gi mkhan po a' tsarya dzi na mi tra dang / su rentra bo dhi dang / sh'i lertra bo dhi dang / d'a na sh'i la dang / bo [C:191]dhi mi tra dang / bod kyi mkhan po ratna rakSHi t'a dang / dharma ta sh'i la dang / lo tstsha ba mkhas par chud pa dzny'a na si na dang / dza ya rakSHi ta dang / manydzu shr'i warmma dang / ratnantra sh'i la sogs pas theg pa che chung las byung ba'i rgya gar skad las / bod kyi skad du bsgyur cing / ming du btags pa rnams dkar chag tu bris te / nam du yang gzhung lugs de las mi bsgyur zhing / kun gyis bslab tu rung bar gyis shig /
ces bka' ba stsal te / sngar bsgyur pa rnams skad gsar bcad kyis gtan la phab cing / bkas bcad rnam pa gsum mdzad de / sde pa bye [B:130b]brag tu gzhi thams cad yod smra las gzhan dang / gsang sngags rnams ma sgyur cig ces bkas bcad do / /
tha na bre dang srang dang / zho la sogs pa'ang / rgya gar dang mthun par bcos so / /
rab tu byung ba re re la 'bangs mi khyim bdun bdun phul / dbu thod gdan du gdings / zhabs spyi bor len no / /
rgya la dmag drangs te bcom nas / dbon zhang dums byas pa'i yi ge /
lha sa'i rdo rings la bris so / /
des rab tu byung ba la chab srid phul bas / blon po nag po la