[A:14a]dbyangs kyis bsnyad pa'am / drang ba'i don gyi mdo sde rtogs par byed pas dbyangs kyis bsnyad pa'o / /
lung du bstan pa'i sde ni / nyan thos 'das te shi ba'i dus byas pa dang 'byung ba lung ston pa dam pa'i chos pad ma dkar po lta bu'am / yang na nges pa'i don gyi mdo sde ni des rnam par phye nas dgongs pa lung ston pa'i phyir lung du bstan pa'i sde'o / /
tshigs su bcad pa'i sde ni / tshigs bcad du sbyar nas gsungs pa ste / de ni rtsa ba gnyis pa / dge slong 'di ni ston pa ste / /
nye bar zhi zhing zag pa zad / /
ces pa lta bu dang / rtsa ba gsum pa / 'di na bdag gam sems can med / /
srog kyang yod pa ma yin te / /
chos 'di rgyu dang bcas las byung / /
zhes pa lta bu dang / rtsa ba bzhi pa / chos rnams thams cad rgyu las byung / /
[C:18]zhes sogs lta bu dang / rtsa ba lnga pa dang / rtsa ba drug pa / 'di dag 'khrul ba'i snang ba ste / /
rmi lam nyams su myong ba bzhin / /
ma rig mun pa'i gnyid sad na / /
'khor ba rnams ni dmigs su med / /
de yi phyir na 'ga' zhig la / /
blo skye med pas sangs rgyas yin / zhes pa lta bu'o / /
ched du brjod pa'i sde ni / rnam bshad rigs par / gang zag gi ched du gsungs pa ma yin gyi / bstan pa gnas par bya ba 'ba' zhig gi phyir bshad pa gang yin pa ste zhes so / /
gang yi rangs nas brjod pa ste / dper na thub pas snod bcud kyi zhing sbyangs pa na / sangs rgyas bcom ldan 'das rnams kyis dul ba ni legs so zhi ba ni legs so zhes sogs gsungs pa lta bu'o / /
gleng gzhi'i sde ni gang zag 'ga' zhig gi ched du gsungs pa dang byung ba dang [B:13a]bcas pa'i bslab pa bcas pa gsungs pa ste /