[A:146b]klog ging yod pas mthong ste / gtsug lag khang dang dga' ldan gyi mchod rten la sku brten nas bzhugs pa'i mdun du babs te / pus mo la brten te gzhu bdungs pas / rgyar pos zhes 'bul bar go'o / /
phyag dang po la gzhu bdungs / gnyis pa la mda' ltong sbyar / gsum pa la mtheb dkrol te btang bas / brang du phog ste / nga bdud ya bzher nag po bya ba yin / rgyal po sdig can gsod na de ltar gsod pa yin zer nas bros so / /
lha sar btsan po bkrongs so ra mda' rgyugs zhes bos pas / mi nag mtsho la rta bshan / ber phyi nang ldog ste gon nas / nga lha gnam the'u dkar po bya ba yin zer te bros pas / bdas pas ma zin te / la la drang srin po snar zer / la la grib se sgrom gyi phur zer / la la than mo rdo rings su nam sros nas ma zin zer ro / /
de nas mngon pa kun las btus / 'dul ba 'od ldan / las karmma sha ta dang gsum khyer te / khams su byon / /
paNDi ta la la spyugs / la la yul du bskrad / lo tstsha ba pha la cher bros / gshed ma bkye ste / nyang ting nge 'dzin bzang po dang / rma rin chen mchog la sogs pa bsad de / bstan pa med par byas so / /
glang dar ma'i btsun mo chen mas nga la sras sbrums pa yin byas te / bu chung btsal nas nga la mdang skyes pa yin byas te bstan pas / blon po rnams na re / mdang skyes pa'i bu chung la so mi 'byung ste / yum gyi bka' brtan du chug gsungs pas / yum brtan zhes grags te / de'i sras khri lde mgon [B:131b]po / /
de'i sras mgon gnyen / de la sras rig pa