[A:146b]mgon po dang / nyi 'od dpal mgon gnyis / rig pa mgon gyi sras khri lde po / /
de'i sras 'od po / /
de la sras gsum / a tsa ra dang / mgon po btsan dang / mgon po brtsegs so / /
nyi 'od dpal mgon gyi sras mgon spyod / de'i sras tsha na la ye shes rgyal mtshan te che rgyud do / /
btsun mo chub ma la sras gcig shing mo glang la 'khrungs / chen mas bsad dam phrogs kyis dogs nas / nyin mo nyi ma'i 'od dang / mtshan mo mar me'i 'od rgyun mi 'chad [C:193]par byas te bsrungs pas / 'od srungs su grags te / rgyal sar bton te / lo drug cu rtsa gsum la 'das so / /
de'i sras dpal 'khor btsan lo bcu gsum la rgyal sar bton te / so gcig la 'das so / /
de la sras gnyis te / bkra shis brtsegs pa dpal dang / khri skyid lde nyi ma mgon gnyis so / /
bkra shis brtsegs pas rgyal srid bzung / de la sras gsum / che ba dpal lde / bar pa 'od lde / chung ba skyid lde'o / /
nyi ma mgon mnga' ris su spyugs pas pu rangs su sku mkhar nyi gzungs brtsigs te / chab srid bzung / de la sras gsum che ba dpal gyi lde rig pa mgon gyis mang yul bzung / bar pa bkra shis lde mgon gyis pu rangs bzung / chung ba lde gtsug mgon gyis zhang zhung bzung / de la sras kho re dang srong nge gnyis so / /
de'i dus na dbus gtsang na sdom pa dang bshad nyan bka' chad de med cing / gtsug lag khang gi gnyer pa sham thabs gong [B:132a]ba can gyon pa la / ming gnas brtan dgra bcom zer bas byed / sdom pa bsrung zer nas / dbyar zla gsum rtsa bzhi sna yud la srung / dgag dbye byed zer nas / de nas mi srung ngo / /
sngags