[A:150b]tsho dang khams tsho zer zhing / gnyis ka la nyan tsho skor du grags so / /
[C:198]a mes la stag tshal gyi bya chos mkhar po che phul bas / mkhan bu rgya rgyal bu tshul seng la gtad / rgyas kong po ye 'byung la gtad / kong pos dmu'i gnas mo che dang / bya chos gnyis ka bskyangs te / rgyas bra thang brtsigs te / de rnams la bya chos skor zer ro / /
de nas a mes la mar shul la yon bdag mo gnyos mos smon gro phul / des mkhan bu mar pa rdo rje ye shes la gtad / de'i mkhan bu sne po grags pa rgyal mtshan la gtad de / rong mkhar phug bzung / phyis a mes spyugs mtshams stag tshal dakhyus thang bzhengs nas phul / mar pas bran ma sgang po brtsigs / lan gro'i stag tshang dang bzhi la smon gro'i ma dang mnyam pa'i bu bzhir grags te / de rnams la smon gro skor zer ro / /
de nas yang a mes kyis ser gyi sgong khrog bzung nas / des mkhan bu zhang pa tsher khrod pa la gtad / des ser gyi brag shod brtsigs / de nas btsan mo sdings bzung / de nas rtsis kyi yang dben bzung / de nas ra sog mtshar la dang / stag tshal mkhar po che bzung nas / mkhan bu rba dge mthong la gtad / des rong gi ba do bzung / de'i mkhan bu bre btsun sngon mo la gtad / de rnams la do tsho zer te / khral tsho 'dus nas 'dun ma byed pa'i dus su / de dag gi btsun chung gsum byung ba la khyed cag gi dpon po gar song byas pas shi zer / 'o na [B:135b]khyed do phrug tu 'dug pa byas pas / do tshor chags so / /
de dag thams cad la smad kyi tshong tsho lnga zer ro / /
tshong tsho dgu po thams cad kyi 'a mo sngo gling yin no / /
gzhan yang 'a zha mgo bo che'i bu 'a zha ye shes g.yung drung gis /