[A:151b]len du phyin pas / khams kyi khri kha mkhar snar bla chen [B:136a]po'i mkhan bu ya zi bon ston bya ba dang mjal nas / bka' drin zhus pas der bas zer nas sdom pa sbyin long med par 'das pa dang / ngas bsnyen rdzogs kyi sdom pa thob pa yin te / mkhan bu na re der bas gsungs ba'i phyir ro / /
zhes zer bas der bas kyi bsnyen rdzogs su grags / des rta nag phu'i bya tshang bzung / de nas shangs kyi bye phug bzung / bya tshang nas mched pa 'jad kyi gnas brgyad byung ste / de tsho la 'bre tsho zer ro / /
de ltar mi bcus phyin yang dbus kyi sum pa dang / gtsang gi 'o brgyad spun gnyis las mched pa med pas / mi drug tu grags shing / 'a 'bre gnyis de rnams la ma gtogs so / /
kha cig na re mkhan po bo dhi satwa'i mkhan bu rba ratna / des lha lung rab 'byor dbyangs / des bla chen po dgongs pa gsal / des ya gong ye shes g.yung drung des grum ye shes rgyal mtshan / des klu mes la sogs pa'o / /
zhes zer ba dang / bka' tshems kyi yi ge kha cig nas / mkhan po bo dhi satwas / slob dpon d'a na sh'il dang / dzi na mi tras byas nas / rba ratna / des g.yo dge 'byung / des bla dgongs pa gsal / des sgro manydzu shr'i / des grum ye shes rgyal mtshan / des klu mes zhes 'byung ba dang / rigs ral na re bla chen po'i mkhan bu grum la / dbus gtsang gi mi bcus sdom pa blangs zer ba rnams brtag dgos so / /
yang g.yo la sogs pa rnams kha cig /
dzi na mi tra'i mkhan brgyud du 'dod / kha cig zhi ba 'tsho'i mkhan brgyud du 'chad pas brtag par bya'o / /
de ltar dbus gtsang du bstan pa med pa lo bdun cu byung nas / dbus gtsang gi mi bcus