[A:152a]bstan pa btsugs pa yin te / mi bcus dbus su byon tsa na / rgan mo zhig na re / nga lo drug lon pa na btsun pa mthong zer / da ji tsam lon dris pas / bdun cu don drug lon zer bas so / /
zhes zer la / kha cig / lo brgyu rtsa [B:136b]brgyad song zer ro / /
[C:200]rigs ral na re / mi bcu nas lo ts'a ba rin bzang ma byon bar du / bshad nyan med pas bstan pa'i gzugs brnyan yin / de nas rgyal pos sbyin bdag byas nas / lo paN gyis chos bsgyur ba ni bstan pa bar dar yin / de nas rgyal pos ma byas par / rngog la sogs pas 'gyur mdzad pa bstan pa phyi dar yin zer ba / mi 'thad de / dge slong gi sdom pa rnam par dag pa yod par khas blangs nas / bstan pa'i gzugs rnyan du 'chad pa 'gal zhing / bshad nyan med pa ma grub ste / paNDi ta dzi na mi tras lo tstsha ba klu'i rgyal mtshan dang / g.yo dge 'byung la sogs pa la / des bla chen po la / des grum la / des grum la / des klu mes la / des gzus rdo rje rgyal mtshan la / de'i slob ma bzhi / glan tshul byang / ka chu ba tshul 'byung / sne po grags rgyal / 'dzims pa sher 'od / sne po'i slob ma sog tshul khrims bla ma / ka chu ba'i slob ma nyang mtshams rin chen bla ma / 'dzims pa'i slob ma ko khyim pa ye shes bla ma / de gsum gyis rgya 'dul 'dzin dbang phyug tshul khrims / de la slob ma rma tsho byang rdor dang / bya 'dul 'dzin / gyi po tshul 'phags / sha mi la sogs pa'i bar du 'dul ba'i bshad pa man ngag dang bcas pa yod pa'i phyir dang / dzi na mi tras / ska cog zhang gsum / nam nad zla ba'i rdo rje / dpal gyi rdo rje / sba rgyal ba ye shes / cog gru