[A:153b]gyis dbus su byon te / slob ma khu rngog 'brom gsum la gdams pa dang chos mang po gnang ste / khyad par 'brom [C:202]la bka' gdams kyi chos lugs gnang ste / dar bar mdzad do / /
lo tstsha ba chen po rin chen bzang po'ang mnga' ris su klu skar rgyal btul / sngags log spyod pa rnams chos kyis sun phyung ste / nye rgyu'i sgrub pa mdzad de mkha' spyod du gshegs / zhes grag go /
de'i lo chung grags 'byor shes rab kyis kyang / bde mchog dang / phag mo dang / tshad ma la sogs pa bsgyur cing / mkha' spyod pa gshegs so / /
bal lo chung 'gar chos [B:138a]bzangs kyis kyang / lo tstsha'i chos drug ces grags pa rnams bsgyur nas / ri bo rtse lngar gshegs so / /
jo bo rje la lo tstsha ba sngar gyi de dag dang sh'akya 'od dang yol lcags rdo rje dbang phyug dang / dge ba'i blo gros la sogs pas chos mang po bsgyur te gtan la phab po / /
lha zhi ba 'od kyis kyang dpal mchog dang / zhi ba 'tsho'i tshad ma la sogs pa bsgyur ro / /
lha bla ma ye shes 'od kyi dus su / paNDi ta smrI ti dang phra la ring ba bya ba gnyis bal bo pad ma ru tse bya bas gdan drangs 'ongs pas / lo tstsha ba bal bor pho log gis shi ste / paNDi ta gnyis pos bod skad mi shes pas / dbus gtsang na mar 'khyams te / smrI tis rta nag tu lug rdzi mdzad / phyis dpyal se rtsa ba bsod nams rgyal mtshan gyis sman lungs su spyan drangs te chos zhus / khams su byon nas 'dan klong thang du mngon pa mdzod kyi bshad pa btsugs / phyis bod skad mkhas par gyur te / gdan bzhi dang 'jam dpal gsang ldan gyi skor dang / sngags don rnam gzigs la sogs pa rang 'gyur mang po