[A:154a]mdzad / phyis li chu gser khang tu byon te / smra sgo brtsams so / /
paNDi ta phra la ring bas rong pa chos bzangs la grong 'jug byas pas / rong pas chos mang po tol shes su byung ba yon no / /
mnga' bdag 'od ldes kyang / su n+ya shr'i spyan drangs so / /
de'i sras rtse ldes kyang kha che dzny'a na shr'i spyan drangs te / khyung po chos brtson gyis lo tstsha byas nas rgyud rdo rje rtse mo dang sbyong rgyud dang / tshad ma rnam nges dang / de'i T'ikka khong nyid kyis mdzad pa la sogs pa bsgyur ro / /
gzhan yang tsandra r'a hu la spyan drangs te / lo tstsha ba ting nge 'dzin bzang pos tshad ma kun las btus la sogs pa bsgyur ro / /
rtse ldes rngog blo ldan kha cher brdzangs te / gzhan phan bzang po dang skal ldan rgyal po la tshad ma bslabs / bram ze sad dza na dang / go mi 'chi med la sogs pa la byams chos bslabs / dbang [B:138b]sdes yon bdag byas te tshad ma rgyan la sogs pa bsgyur / khri bkra shis dbang phyug [C:203]nam mkha' btsan gyis kyang / 'gyur gyi yon bdag byas / kha cher lo bcu bdun bzhugs / bod du bcu bdun phrag gnyis bzhugs / paNDi ta 'bum phrag gsum pa dang / a tu lya d'a sha dang / su ma ti k'irti dang / a ma ra tsantra dang / gzhon nu 'bum pa la sogs pas lo tstsha mdzad de chos mang po bsgyur / gsang phu ne'u thog la sogs par bshad pa mdzad de / rgyan chos mchog phar phyin spyod 'jug la sogs pa dar bar mdzad de / shin tu bka' drin che'o / /
pa tshab nyi ma grags kyis kyang kha cher lo nyi shu rtsa gsum sbyangs te / paNDi ta ka na ka warmma spyan drangs te / dbu ma'i skor rnams bsgyur bshad