[A:15a]'dul ba'i sde snod do / /
shin tu rgyas pa'i sde / dang rmad du byung ba'i sde ni byang chub sems dpa'i mdo sde'i [C:19]sde snod de / byang sems dang sangs rgyas de dag gi [B:13b]khyad par gyi mthu bsam gyis mi khyab cing rgya che ba'i khyad par dang ldan pa'i phyir rmad du byung ba yang byang sems kyi mdo sder bsdu'o / /
gtan la phab par bstan pa'i sde ni / theg chen dang nyan thos gnyis ka'i mngon pa'i sde snod do / /
sdud tshul 'di kun las btus kyi lugs yin no / /
gzhan du gzhan bshad pa'ang yod do / /
IIDca1c2d3b4. gnyis pa ni / saMskri ta la pi Ta ka zhis 'byung zhing / pa NDi ta zhes sgyur na gong bu'am bsdus pa ste / don mang po brjod byar bsdus pa'am shes bya thams cad brjod byar bsdus pas sde snod do / /
yang na pi Ta ka zhes pa yul dpus kyi bre bo che'i ming yin la / bre bo che'i nang du bre'u chung mang po 'dus pa bzhin du / 'di dag gi nang du brjod bya ba bslab bya mang po 'dus pas sde snod do / /
IIDca1c2d3c4. gsum pa ni / rgyu dgus sde snod gsum du bzhag ste / a5. spang bya la ltos nas gsum dang / b5. bslab bya la ltos nas gsum dang / c5. shes bya la ltos nas gsum du bzhag pa'o / /
IIDca1c2d3c4a5. dang po ni / nye ba'i nyon mongs pa the tshom gyi gnyen por mdo sde'i sde snod bzhag ste / gdul bya rnams kyi bden pa dang dkon mchog sogs la som nyi byung ba bcad pa'i ched du mdo'i sde la sogs pa bshad pa'i phyir ro / /
nye ba'i nyon mongs pa mtha' gnyis dang ldan pa'i gnyen por 'dul ba'i sde snod bzhag ste / 'dod pa bsod nyams kyi mtha' chags shing zhen pas gsog 'jog la spyod pa'i gnyen por gsog 'jog cung zad tsam yang bkag cing / tshul khrims dag pas zhen