[A:15b]med du lhag par rnyed na khang pa brtsegs pa lnga brgya pa'am / kha zas ro brgya pa'am / karSH pa ni brgya stong ri ba'i gos la sogs pa'ang gnang bas / ngal zhing dub pa'i mtha' spong ba'o / /
rang gi lta ba mchog tu 'dzin pa'i nye nyon gyi gnyen por mngon pa'i sde snod bzhag ste / der chos kyi mtshan nyid rgya cher bstan pa'i phyir ro / /
IIDca1c2d3c4b5. gnyis pa ni / bslab pa gsum brjod pa'i phyir mdo sde ste de las bslab pa gsum ÖÞ¼ÞÕsa par [B:14a]brjod pas / gdul bya rnams bslab pa gsum la byang bar byed do / /
tshul khrims dang sems kyi bslab pa bsgrub pa'i phyir 'dul ba ste / so so thar pa'i sdom pa'i bslab pa la brten nas / dngos su tshul khrims yongs su sbyong zhing de dag pas 'gyod pa med pa la sogs pa'i rim gyis sems mnyam par 'jog pa'i phyir ro / /
shes rab kyi bslab pa bsgrub pa'i phyir mngon pa ste / der chos rab tu rnam par 'byed pa'i thabs rgya cher bstan pa'i phyir ro / /
IIDca1c2d3c4c5. gsum pa ni / chos dang don brjod pa'i phyir mdo sde ste / des tshig don la byang bar byed do / [C:20]chos don mngon du bya ba'i gzhi'i gnas kyi phyir 'dul ba ste / des 'dul ba'i sde snod ni bslab pa sgrub pas rab tu phye bas tshul khrims dag pas ting nge 'dzin skye / des nyon mongs pa 'dul bas chos dang don mngon du byed do / /
mngon pa la brten nas phan tshul 'bel ba'i gtam gyis gtam la 'bebs pa las gyur pa'i chos la rdzogs par longs spyod pas bde ba la reg par gnas par 'gyur te der chos rnams kyi rang spyi'i mtshan nyid la sogs pa'i chos nyid la khyang par byed pa'i phyir ro / /
de lta bu'i sde snod gsum la thos pa byas pas bag chags 'jog go /
bsams