[A:155a]sogs bsgyur ro / /
khye'u gad pa 'khor lo grags dang / spong zho gsal ba grags dang / tsong kha mi nyag rtsa mi [C:204] sangs rgyas grags rnams kyis paNDi ta abha y'a ka ra gupta bsten nas / dus 'khor / phreng ba skor gsum / thub pa dgongs rgyan / man ngag snye ma la sogs pa bsgyur ro / /
bre bo lo ts'a ba shes rab dpal gyis kyang / paNDi ta de bsten nas gnad kyi zla zer la sogs bsgyur ro / /
ba ri rin chen grags kyis paNDi ta don yod rdo rje spyan drangs te / don zhags dang / srung ba lnga dang / rnam rgyal rnam 'joms kyi skor dang bde mchog gi skor dang / sgrub thabs brgya rtsa la sogs pa bsgyur ro / /
klog skya shes rab brtsegs kyis kyang / mtshan brjod dang / sgrol ma'i skor dang / dbu ma 'jug pa la sogs pa bsgyur ro / /
de'i slob ma mal gyo blo gros grags pas / bde mchog dang / sgrol ma nyi ma sbas pa'i lugs rnams bsgyur ro / /
'bro shes rab grags kyis kha cher byon te / paNDi ta zla ba mgon po spyan drangs te / dus 'khor cha lag rgyas pa dang / rdo rje snying 'grel / phyag rdor stong 'grel la sogs pa bsgyur ro /
ba reg thos pa dga' dang / rma ban chos 'bar dang / mtshur lo ts'a rnams kyis / rgya gar phyag na rdo rje bsten nas / phyag rgya chen pa grub [B:139b]pa'i skor dang / snying po'i skor dang / do ha skor gsum dang / do ha mdzod dang / mai tri pa'i bde mchog la sogs bsgyur ro / /
dpyal kun dga' rdo rjes bal po hang du dkar po bsten / paNDi ta stong nyid ting nge 'dzin spyan drangs te / man ngag mang po zhus so / /
rwa rdo rje grags kyis bal po thugs rje chen po bsten nas /