[A:155b]dgra nag 'jigs skor gsum dang he ru ka mngon 'byung gi skor la sogs pa bsgyur ro / /
dbon po rwa chos rab kyis / paNDi ta sa manta shr'i spyan drangs te / dus 'khor dang phag mo mngon 'byung dang / mgon po mngon 'byung la sogs pa bsgyur ro / /
zhang shes rab bla mas kyang paNdi ta a yo gha badzra spyan drangs te / dgra nag gi skor rgyar par bsgyur ro / /
rgyus smon lam grags kyis kyang paNdi ta gzhan la phan pa bsten te / sdom 'byung bsgyar ro / /
zha ma seng rgyal gyis kyang / paNDi ta nor bzang srung ba la sogs bsten nas / tshad ma kun las btus rtsa 'grel bsgyur ro / /
ya 'brog gi mar pa do pa chos kyi dbang phyug gis kyang / bde mchog gi rgyud 'grel sgrub skor rgyas par bsgyur ro / /
dpyal chos kyi bzang pos rgya gar du lo bcu bzhugs / bla ma rdo rje gdan pa ni ska langka la bde mchog dang / gshin [C:205] rje gshed dmar gyi skor rnams zhus te bsgyur / kha che sh'akya shr'i la dge tshul byas so / /
khro phu lo tstsha ba byams pa'i dpal gyis thog mar / shr'i dza ga ta mi tra a nanta zhes pa mi tra dzo ki zhes grags pa spyan drangs te / bde chen ral gcig gi skor dang / sems nyid ngal bso'i skor dang / bstan pa'i gru la sogs pa bsgyur ro / /
de nas kha che'i paNDi ta bud dha shr'i dzny'a na spyan drangs te / mngon rtogs rgyan gyi 'grel pa shes rab sgron me dang / rgyal ba'i lam 'jug dang / thugs rje chen po'i sgrub thabs rgya rtsa la sogs pa bsgyur ro / /
de nas kha che sh'akya shr'i bha dra [B:140a]spyan drangs te / dpyal chos bzang gis n'a ro 'grel chen bsgyur te / de'i bshad bka' man ngag dang bcas pa gnang / paNDi ta de la 'khor paN chung bi bhu ti tsandra dang / d'a na sh'i la dang / bal po saM gha shr'i