[A:156b]bya ba bsdus pa la sogs bsgyur ro / /
bdag gi bla ma nyi ma rgyal mtshan dpal bzang pos bal por lo bcu bzhir sbyangs pa mdzad / ri'i kun dga'i mdo la sogs mdo bcu gsum tsam paNDi ta a nanta shr'i spyan drangs te bsgyur ro / /
gzhan yang gzhi 'gyur dang 'gyur bcos mang po mdzad do / /
dpang blo gros brtan pas kyang tshad ma kun las btus kyi 'grel pa rgyal dbang blos mdzad pa dang / dus 'khor gyi bshad sbyar snying po snang ba la sogs pa bsgyur te / de dag gis bstan pa dar bar byas pa yin no / /
zhib tu rang rang gi rnam par thar pa'i yi ge las shes par bya'o / /
de ltar bod du dam pa'i chos dar bar mdzad pa'i paNDi ta bod du byung ba ni / mkhan po shanta rakSHi ta bod skad du zhi ba 'tsho dang / padma 'byang gnas dang / sngags 'chang dharma kirti dang / bi ma la mi tra dri med bshes gnyen dang / sangs rgyas gsang ba dang / bsam yas kyi rab gnas mkhan sh'anti garbha zhi ba snying po dang / bi shuddha si ha rnam dag seng ge dang / ka ma la sh'i la padma'i ngang tshul dang / rgya gar gyi slob dpon ku sa ra dang / bram ze shang ka ra dang / bal po sh'i la manydzu dang / bram ze a nanta dang / ka llya mi tra dge ba'i bshes gnyen dang / dzi na mi tra rgyal ba'i bshes gnyen dang / su rendra bo dhi lha'i dbang po byang chub dang / sh'i lendra bo dhi tshul khrims dbang po byang chub dang / d'a na sh'i la dang / bo dhi mi tra dang / [B:141a]mu ni warma thub pa'i go cha dang / [C:207] sarbba dzny'a de ba kun mkhyen lha dang / bidy'a ka ra pra bh'a rig byed 'od zer dang / shr'addha ka ra warmma dad byed go cha dang / padma gubta padma sbas pa dang / mukti mi tra grol ba'i bshes gnyen dang / buddha shr'i sh'anti dang / buddha p'a la sangs rgyas skyong dang / dharmma p'a la dang / pra dzny'a p'a