[A:156a]dang / su ga ta shr'i la sogs pa dgu byon te / bi bhu ti dang d'a na sh'i las bod du yun ring po bzhugs te rang 'gyur yang mdzad do / /
byams pa'i dpal gyis 'dul ba me tog phreng brgyud bsgyur / de'i bshad bka' nod / rdo rje phreng ba dang / bde mchog la sogs pa bsgyur ro / /
kha che paN chen de la sa skya paNDi tas bsnyen rdzogs byas nas / bal po saM ga shr'i dang bcas pa la sgra bslabs te / paN chen dang d'a na shi la la rnam 'grel bslabs te / 'gyur bcos byas te / mkhas pa chen por gyur nas chos ma dag pa rnams sun phyung ngo / /
paN chen la byang chub dpal dang rdo rje dpal gnyis kyis bsnyen rdzogs byas te / gdan gcig pa'i brtul zhugs bzung ngo / /
de nas brgyud de / paN chen gyi mkhan brgyud kyi bslab pa 'dzin pa mang po byung ngo / /
paN chen gyis srin po rir rdo rje phreng ba'i dbang bskur rdzogs par mdzad nas / dbang bka' dar bar 'phel lo / /
chag dgra bcom gyis kyang / rgya gar du byon nas / rgyal ba'i lam 'jug la sogs bsgyur ro / /
de'i dbon po chag chos rje dpal gyis rgya gar du byon / re wentra dang ratna rakSHi la sogs pa grub thob mang po bsten / gtsug dgu'i rgyud bsgyur / 'gyur [B:140b]bcos mang po mdzad do / /
shong rdo rje rgyal mtshan gyis [C:206]bal por byon / paNDi ta lakSHi shr'i spyan drangs te / snyan ngag me long dang / dpag bsam 'khri shing dang / klu kun tu dga' ba'i zlos gar dang / bstod pa brgya pa la sogs bsgyur ro / /
de'i gcung po blo gros brtan pas kyang gshin rje gshed dmar gyi rgyud bsgyur / 'gyur bcos byas so / /
yar lung pa grags pa rgyal mtshan gyis kyang / mi g.yo ba'i rgyud dang sgrub thabs rgya mtsho dang