[A:18b]par / sangs rgyas kyi gsung bstan bcos kyi mtshan nyid du 'thad pa'i phyir ro / /
nges pa'i tshig tu na 'chos pa dang skyob par byed pas de'i phyir bstan bcos so / /
nyon mongs dgra rnams ma lus 'chos pa dang / /
ngan 'gro srid las skyob pa gang yin pa / /
'chos skyob yon tan phyir na bstan bcos te / /
gnyis po 'di dag gzhan gyi lugs la med / de lta bas na sangs rgyas kyi gsung kho na don dam par bstan bcos yin pas / 'chos pa dang skyob pa'i yon tan gyi phyir yang don gzung ba la 'bad pa ldan par bya'o / /
zhes gsungs so / /
IIDcb1c2. gsum pa la / a3. mchog dman gyi sgo nas dang / b3. byed pa las kyi sgo nas dang /
c3. brjod bya don gyi sgo nas dang / c3. bshad bya bka'i sgo nas dbye ba / e3. bstan bcos kyi rigs bsdu ba dang lnga'o / /
IIDcb1c2a3. dang po ni / dgur sa sder gsungs te / don med pa'i dang / don log pa'i dang / don ldan pa'i bstan bcos te / gsum dang / ngan g.yo'i dang / snying brtse med pa'i dang / sdug bsngal spong ba'i bstan bcos te gsum dang / thos pa lhur len pa'i dang / rtsod pa lhur len pa'i dang / sgrub pa lhur len pa'i bstan bcos gsum ste dgu las phyi ma re re mchog yin la / snga ma gnyis gnyis dman pa yin no / /
[C:24]kha cig thos rtsod lhur len gnyis te / lnga mchog tu 'dod pa mi 'thad do / /
bsdu ba rnam par gtan la dbab par / de gnyis mu stegs kyi bstan bcos su gsungs pa'i phyir ro / /
des na phyi ma re re mchog yin te / sangs rgyal kyi bkar bshad pa'i phyir ro / /
IIDcb1c2b3. gnyis pa ni / bka' rgya chen po sdud pa dang / zab mo rnam par 'byed pa dang / 'khrugs pa bsdeb