[A:18a]brlabs pa la gsum du 'byed de / thugs ting nge 'dzin gyis byin gyis brlabs pa dang / thugs thugs rjes byin gyis brlabs pa dang / thugs bden pa'i stobs kyis byin gyis brlabs pa'o / /
dang po ni / shes rab snying po lta bu'o / /
gnyis pa ni gnod sbyin la sogs pas smras pa'i sngags sangs rgyas kyis byin gyis brlabs pa lta bu'o / /
gsum pa ni sangs rgyas kyi byin gyi brlabs kyis nam mkha' dang 'od zer dang rol mo las chos kyi sgra byung blta bu'o / /
IIDca1c2f3c4. gsum pa ni / gleng gzhi dang mtshams sbyor dang / mthun 'gyur yi rang rnams te / chos yang dag [C:23]par sdud pa las / dge slong dag / 'di skad bdag gis thos pa zhes gyis la chos bsdu bar bya'o / /
zhes dang / 'brel dang go rims kyang bstan par bya'o / /
zhes rjes su gnang ba'i phyir ro / /
IIDcb1. gnyis pa bstan bcos ni / a2. mtshan nyid / b2. nges tshig / c2. dbye ba gsum gyis nges par bya pa las /
IIDcb1a2. dang po ni / rtsom pa po rnam g.yeng med pa'i yid can gyis bka'i don bshad cing thar ba thob pa'i lam dang rje su mthun pa ste / rgyud bla mar / gang zhig rgyal ba'i bstan pa 'ba' zhig gi /
dbang byas rnam g.yeng med yid can gyis bshad / /
thar pa thob pa'i lam dang rjes mthun pa / /
de yang drang srong bka' bzhin spyi pos blang / /
zhes so / /
IIDcb1b2. gnyis pa ni / saM skri ta las / sh'a stra zhes pa'i sh'a sa na zhes pa 'chos pa ste / rgyu nyon mongs pa dug gsum las bslab pa gsum ldan du 'chos pa dang / t'a yi zhes pa'am / ta ra Na zhes pa skyob [B:16b]pa ste / 'bras bu ngan 'gro dang srid pa'i sdug bsngal las skyob pa ste / nges tshig 'di bka' la'ang gnas so / /
rnam bshad rigs