[A:20a]pa'i bstan bcos yin la / mngon pa ni nang rig pa'i bstan bcos yin pa'i phyir ro / /
rnam bshad rigs par / de yi phyir rtag rtog phyir dang / /
sngon goms phyir sngon ma byas phyir / /
lung la mi brten nyid phyir dang / /
brtson phyir yid la byed phyir dang / /
sngon phangs phyir dang yongs gzung phyir / /
yongs su bya ba byas pa'i phyir / /
rtog ge phun sum rnam lngar 'dod / ces lung la mi brten par bshad pa'i phyir dang / mdo sde rgyan nas / rtog ge rten cing ma nges la / /
ma khyab kun rdzob skyo ba can / /
byis pa la ni brten par 'dod / ces 'byung zhing / mngon pa ni ma mo yin pas de ltar 'gal ba'i phyir ro / /
tshad ma kun las btus par yang / tshad ma dang gzhal [B:18a]bya nye bar brjod pa nyid kyis mu stegs pa'i 'dod pa snying po med pa'i phyir / der zhen pa rnams ldog pa'i don du 'di brtsams pa yin gyi / 'di tsam gyis de bzhin gshegs pa'i bstan pa la gzhug pa'i don du ni ma yin te / de'i chos ni rtog ge'i yul ma yin pa'i phyir ro / /
ldog pa las ni ston pa'i chos nyid thos nas 'bad pa med par rtogs par 'gyur te / bar du ma bskal ba'i phyir ro / /
zhes bya ba dang / de nyid las gang zhig rtog ge'i lam nas chos nyid la 'khrid na / /
thub pa'i bstan las cher bsrings [C:26]nyams par byas pa yin / /
de lta na yang de bzhin gshegs pa'i chos mtshan nyid / /
gal te gzhan du 'gro na dpyad par bya ba'i rigs / /
zhes 'byung bas so / /
sgra rig pa'i bstan bcos ni / rang bzhin dang rkyen dang rnam 'gyur gsum du bsdus nas ston pa la / sgra'i mdo yan lag dang bcas pa ste / rang