[A:23a]sgo ste gsum mo / /
rnam grangs bcu gcig ni dang po sh'a ri'i bu la bka' stsal pa dang / de nas rab 'byor gyis bshad pa gcig dang / de nas brgya byin [B:20b]la bka' stsal pa gnyis dang / rab 'byor la bka' stsal pa bzhi dang / byams pa la bka' stsal pa gnyis dang / kun dga' bo la bka' stsal nas yongs su gtad pa ste bcu gcig go / 'di daM SHTra se nas byas zer kyang dbyig gnyen gyi gzhung 'grel du rigs shing 'di dang brgyad stong don bsdus gnyis kyis sems tsam du bstan no / /
gnyis pa ni / bslab btus sam / mdo btus sam lta spyod zung 'brel du ston pa spyod 'jug gam sgom rim rnam gsum la sogs pa'o / /
gsum pa bka' mtha' ma'i dgongs 'grel la lta ba dang spyod pa'i cha gsal byed gnyis kyi / dang po ni 'phags pa byams pas mdzad pa'i mdo sde rgyan / dbus dang mtha' rnam 'byed chos dang chos nyid rnam 'byed / rgyud bla ma ste bzhi'i dang po gnyis mngon pa'i sde snod / tha' ma gnyis mdo sde'i sde snod / mngon rtogs rgyan 'dul ba'i sde snod ces kha cig 'chad kyang shes byed ma mthong ngo / /
mdo sde rgyan ni theg pa chen po'i chos thams cad don la bsdus te ston pa yin te / gser las brdungs [C:30]byas 'dra zhing pangma rgyas pa bzhin / /
bkres pas nyen pa g.yos legs kha zas za ba 'dra / /
'phrin yig legs par thos 'dra rin chen sgrom phye ltar / /
chos de 'dir bshad pas kyang dga' ba'i mchog bskyed do / /
zhes pa'i don bstan no / /
dbus dang mtha' rnam 'byed ni / mtha' zhes pa yod med dam ltag chad kyi lta ba / dbus zhes pa de nyid spangs pa dbu ma'i lam /