[A:23b]de dag rnam par 'byed pas na dbus mtha' rnam 'byed ces bya la / de yang mtshan nyid sgrib pa de kho na / /
gnyen po dang ni bsgom pa dang / /
de yi gnas dang 'bras bu thob / /
theg pa bla [B:21a]na med pa yin / zhes don bdun gyis bstan pa yin no / /
chos dang chos nyid rnam 'byed ni / chos zhes pa kun nas nyon mongs pa 'khor ba'i chos so / /
chos nyid mya ngan las 'das pa'i chos de gnyis kyi rnam par dbye ba ston pas / chos dang chos nyid rnam 'byed ces bya'o / /
rgyud bla ma ni theg pa chen po'i rgyud dam / rgyun chags pa'i chos rnams kyi bla ma ste / chos rnams kyi gong mar gyur pas de skad ces bya'o / /
yang na ud ta ra ni phyi ma ste / theg pa chen po'i rgyud phyi ma'i dgongs pa 'grel pas de skad ces bya zhing de yang / dkon mchog gsum dang de'i khams dang 'bras bu byang chub dang sangs rgyas kyi yon tan drug cu rtsa bzhi dang / 'phrin las te bdun ston pa ste / sangs rgyas chos tshogs khams dang byang chub dang / /
yon tan sangs rgyas phrin las tha ma ste / /
bstan bcos kun gyi lus ni mdor bsdu na / /
rdo rje yi ni gnas bdun 'di dag go /
zhes so / /
de'i steng du mngon rtogs rgyan bsnan pa la / byams pa'i chos lnga'o / /
de'i rjes su 'brang ba 'phags pa thog med kyis mdzad pa'i rgyas pa'i bstan bcos sa sde lnga dang / bsdus pa'i bstan bcos sdom rnam pa gnyis dang / dbyig gnyen gyis mdzad pa'i pra ka ra Na sde brgyad la sogs pa'o / /
de la sa sde lnga ni rtsa ba lta bu / sa'i dngos gzhi ni sa bcu bdun du bsdus nas ston pa de de nyid las / sdom ni / rnam shes lnga dang ldan pa'i sa / /
yid kyi sa dang gzhan gsum ste / /
rtog dpyod bcas la sogs pa dang / /
ting 'dzin bcas dang ma yin dang / /
sems