[A:242a]'bar ba'i drod kyi nus pas pha rol phyin drug tshogs gnyis rlabs chen g.yos pa'i mthus / /
rang bzhin mkha' la sku gsum chu 'dzin thugs rje'i glog phreng tshangs dbyangs 'brag sgra ldan pa 'khrigs / /
brgyad khri bzhi stong chos kyi char gyis skal ldan snod kyi 'byor pa mtha' dag rgyas byed pa / /
'jig rten 'dren pa stobs bcu mnga' ba thub pa mchog rnams 'jig rten gang du 'byon pa'i tshul / /
khyad par nyi ma'i gnyen gyi gdung rabs thub dbang mi mjed zhing du mngon par sangs rgyas shing / /
rnam gsum chos kyi 'khor lo bskor te mya ngan 'das nas bstan pa rim par bsdus pa'i tshul / /
kha ba can du byung zhing bsgyur ba mkhas pa'i rjes 'bras mdo tsam gsal bar bu ston kha ches bshad / /
de yi dge ba nyin mor byed pa'i 'od zer gyis / /
mtha' yas sems can nor bu me shel la reg pas / /
brtse ba che ldan ye shes chen po'i me 'bar nas / /
nyon mongs rnam rtog bud shing thams cad bsreg par shog /
bdag gis mdo dang mdo 'grel mkhas pa'i bstan bcos dang / /
mkhas rnams brgyud pa'i bla ma'i gsung don ma rtogs te / /
ma bshad log bshad nongs pa'i tshogs rnams ci mchis pa / /
bden mthong mkhas pa'i skye bo rnams la bzod par gsol / /
gnyis med gsung ba'i nyin byed nub gyur cing / /
bstan 'dzin skye bo'i thun mtshams 'od dang bral / /
nag po'i phyogs gyur sdig spyod 'byung po'i