[A:242b]bya / /
lta ngan sna tshogs bzung ste rang dgar spyod / /
chos min spyod pa'i phyogs ni stobs ldan [B:210b]zhing / /
dam pa'i las la spyad rnams nyams dus 'dir / /
bdag lta bu yi rtsom pas ci zhig bya / /
dben par bag yod byas na mi legs sam / /
kye ma kho bo sdon gyi bsod nams dman / /
chos nub log spyod dar ba bod kyi yul / /
blun po bkur zhing mkhas rnams rtsa ltar 'dor / /
chos ldan brnyas pa'i gangs ri'i khrod 'dir skyes / /
dam pa'i tshul bzung tshul 'chos mkhan po ste / /
snyan par smra na mi chos kha gsag can / /
kun dang bstun na col chung blo sna mang / /
rang tshugs bzung na gyong po shing lag can / /
bdag gi spyod lam ji ltar [C:316]byas gyur kyang / /
ngan pa'i snyad ma btags pa ma byung zhing / /
thams cad dga' ba'i spyod pa ma shes pas / /
gcig pur dben par gnas na mi legs sam / /
bdag gis chos min smra ru chos dang 'gal / /
chos bzhin smras na bod rnams dgra ru ldang / /
ci yang ma smras kun gyis blan zhes brnyas / /
kye ma da ni bdag gis ji ltar bya / /
nyan bshad bstan pa 'dzin ces gsungs pa yang / /
nges 'byung rnam dag khrims la rten bcas nas / /
nyan po gzur gnas don gnyer blo ldan la / /
mkhas pas sde snod 'chad la dgongs pa yin / /
tshe 'di'i grags rnyed 'dod pas 'khor bsdus te / /
ma dad mi 'dod bzhin du chos 'chad cing / /
lag len mi byed chags sdang skye ba'i rgyu / /
'chad nyan 'di